25 ساڵ لەمەوبەر ناسڕ رەزازی چی بۆ دیاری قەرەداغی نووسیووە؟

دیاری قەرەداغی لە پەڕەی فەرمی خۆی ئەم وتارەی هونەرمەند ناسڕ ڕەزازی داناوە و نووسیویەتی:

بەر لە بیست و پێنج ساڵ هونەرمەندی گەورە ناسری رەزازی ئەم هەستە بەرزەی بە نوسین پێشکەش کردین. هیوای تەمەن درێژی و هەمیشە لەشساخی بۆ مامۆستا  ناسری رەزازی ئاواتمە.

دەقی وتارەکەی هونەرمەندی گەورە ناسڕ ڕەزازی

(ئه‌مه‌هه‌ستی ده‌روونی منی گویگره‌)

ناسر ره‌زازی _  سوید

ده‌نگخۆش له‌کوردستان زۆرن به‌لام شه‌رت نییه ‌هه‌ر هه‌مووی ئه‌م ده‌نگخۆشانه‌گۆرانیبێژی چاک بن چه‌ند سیفه‌تێک له‌گۆرانیبیژدا هه‌یه‌ که‌کۆی ئه‌و سیفه‌تانه ‌ده‌ست ده‌ده‌نه ‌ده‌ستی یه‌ک و کاری ئه‌و گۆرانیبیژه‌یان هونه‌ره‌که‌ی ته‌ڤکۆ ( ته‌کمیل) ده‌که‌ن و ره‌نێوی دێنن نامه‌وێ قسه‌که‌م بسه‌لمینم …پێشینان ده‌لین: ئه‌وه‌ی که‌له‌به‌رچاوه‌چی به‌رانانێ داوه‌!

هه‌رشتێ که‌کاری کرده‌سه‌ر هه‌ست و شعوری ئینسان ..ناتوانی له‌ژێری ده‌ربچی و نکووڵی لێبکه‌ی ته‌نانه‌ت ئه‌گه‌ر دوژمنیشت بێ  به‌تایبه‌ت هونه‌ری گۆرانی که‌سنوور ناناسێ !گۆرانی به‌رهه‌میکه‌که‌هونه‌رمه‌ند به‌هه‌ست و شعوور ئافه‌ریه‌ی ده‌کا  گرنگ نییه‌له‌چ گه‌روویه‌که‌وه‌بێته‌ده‌رێ  گرنگ ئه‌وه‌یه‌که‌له‌گوێگردا شوێن به‌جێبهێڵێ و به‌رانبه‌ره‌که‌ی به‌و هه‌سته ‌دابگرێ زۆرجار ئێمه‌گوێ له‌گۆرانیگه‌لێکده‌گرین که‌لییان تێناگه‌ین به‌ڵام ده‌نگه‌که‌و نه‌وای موزیکاکه ‌واداتده‌گرێ و سوکنات ده‌کا که‌ده‌تبا به‌ره‌و ناو ئه‌و دنیایه‌ی که‌ئه‌و هونه‌رمه‌نده‌خوڵقاندوویه‌تی .

له‌کوردستان چه‌ند شیوازی موزیکامان هه‌یه‌که‌له‌(ده‌روجیرانان) و ولاتی دیکه‌وه ‌شه‌وتیان له‌سه‌ر گۆرانیی وموزیکای ئێمه‌داناوه‌..من پێموایه‌ئه‌گه‌ر ئێمه‌ی کورد وه‌کو گه‌لانی دیکه‌ی ده‌وروبه‌رمان له‌مۆزیکادا دوور بمانڕوانیبا گۆرانیی و مۆزیکامان له‌وه‌ی ئێستا هه‌یه ‌زۆرتر گه‌شه‌ی ده‌کرد، هه‌رچه‌ند بارودۆخ و هه‌ل و مه‌رج و پاودانی ژیان و ژیاری کورد به‌وشێوه‌یه‌، که‌‌له‌هه‌موو شتێکدا په‌رچه‌له‌خۆی ده‌کاو به‌رگریی ده‌کا که‌له‌ناونه‌چێ ..به‌لام ئه‌گه‌ر به‌رته‌سک چاو له‌م شتانه‌نه‌که‌ین و له‌و ڕوانگه‌یه‌وه ‌بۆی نه‌روانین که‌: خاوه‌نی ئه‌م گۆرانی و موزیکا گه‌له‌…داگیرکه‌رو گه‌لانی سه‌ده‌ستی ئێمه‌ن و که‌ڵکیان لێوه‌رگرین گۆرانی و موزیکای کوردی زۆرتر پیش ده‌که‌وێ چونکه ‌داگیرکردنی کوردستان و بنده‌ستبوونی گه‌لی کورد ئه‌وه‌نده‌ش ڕێی له‌وه‌نه‌گرتووه‌، که‌ئیتر ئێمه‌هیچ شتیکمان پێنه‌کرێ نه‌خێر ئه‌وه‌ روانگه‌و بۆچوونه‌که‌کۆسپ و به‌رگر دروست ده‌کا.

له‌کوردستان ئه‌مڕۆ شوێنپه‌نجه‌ی کامگاره‌کان زۆر دیارو به‌رچاوه ‌هه‌ر له‌بادینانه‌وه‌ تاسۆران و هه‌ر هه‌ورامانه‌وه ‌تا گۆران هه‌روه‌سا هه‌ندێکیش شوینۆه‌نجه‌ی مۆزیکای تورکییه‌، که‌له‌بنه‌ره‌تدا بناوانه‌که‌ی له‌شه‌تاوی به‌پیت و خوڕی کوردیی کرمانجی و یۆنانی و عه‌ره‌بیی هه‌ڵبه‌سراوه‌..هه‌ر دیاره‌وئامێری ساز به‌شیوه‌یه‌کی به‌رچاو له‌کوردستانی ئێران و له‌کوردستانی عێراقیشدا هاتۆته‌ناو مۆزیکای ئه‌م دووپارچه‌یه‌وه‌…ئه‌مانه‌هه‌مووی باشن و جگه‌له‌وه‌ی که‌مۆزیکای کوردیی ره‌گاژۆ ده‌کاو به‌ره‌و ده‌وڵه‌مه‌ندبوون ده‌با هیچ زه‌ره‌رێکی ئه‌وتۆی نییه‌.

من هه‌ست ده‌که‌م له‌کوردستانی عێراق له‌ماوه‌ی ئه‌م (10) ساڵه‌یدا که‌کورد تاڕاده‌یه‌ک سه‌ربه‌خۆ ژیاوه‌سه‌ره‌رای زۆر که‌ندو کۆسپ و شه‌ڕو کێشه‌مۆزیکای کوردی به‌ره‌و گه‌شه‌و هه‌ڵچوون چووه ‌دیسان سه‌ره‌ڕای که‌ندوکۆسپی ته‌کنیک و باری ماڵی و هیدیکه‌ه‌ند شیوازێکی جووان و سه‌رکه‌وتووی تێداهه‌ڵکه‌وتووه‌یه‌کێک له‌سه‌رکه‌وتنه‌کانی ئه‌م کاره‌هونه‌رییه‌ئه‌و ( ئازادییه‌) یه‌که‌ئه‌مڕۆ له‌کوردستاندا هه‌یه‌که‌ئه‌ویش له‌ناوه‌رۆکی کاره‌که‌دا ئینسان ده‌بینی چونکه‌زۆر جارگوتراوه‌گۆرانی ته‌نیا په‌یامده‌ری زه‌وق و ڕابواردن نییه‌به‌ڵکو ده‌توانێ ڕێنوێنیکه‌ری ئینسان بێ له‌ژیاندا به‌تایبه‌ت ئه‌و نابه‌رابه‌ری و زوڵم و زۆره‌ی که‌له‌کۆمه‌ڵدا هه‌یه‌.

دیاری قه‌ره‌داخی یه‌ک له‌وگۆرانیبێژانه‌یه، ‌که‌ئه‌و سیفه‌تانه‌ی تێدا کۆبۆته‌وه‌و گوێگر و هاووته‌ی به‌رانبه‌ری خۆی به‌هه‌ست و هونه‌ری داده‌گرێ و ده‌یباته‌ناو ئه‌و جیهانه‌ی که‌ئه‌وهه‌سته‌ی تێدا خوڵقاندووه‌…. دیاری قه‌ره‌داخی دوور ده‌روانێ و سنوور بۆئه‌وکاره‌ی خۆی دابین ناکاو له‌یه‌ک شێوازدا تان و پۆ ناته‌نێ به‌ڵکو تێده‌کۆشێ له‌هه‌موو شێوازێک که‌لک وه‌رگرێ قه‌ڵه‌مڕه‌وی خۆی به‌ربه‌رینتر بکا .

وه‌ک گوتم ئه‌مه‌هه‌ست و دیتنی منه‌و هیوادارم سه‌رکه‌وتووتر بێ و نه‌ترسانه‌و بوێرانه‌به‌ره‌و پیش بڕوا … دیاری قه‌ره‌داخی و ئه‌ژده‌ر وه‌هبی و به‌هجه‌ت یه‌حیا هه‌ریه‌که‌یان شێوازێکی تایبه‌تن و سه‌ره‌ڕای هه‌ر ڕه‌خنه‌یه‌ک که‌لێیان بگیردرێ و هه‌ر که‌موکوڕییه‌ک که‌هه‌یانبێ جێگای دڵخۆشین ..من وێڕای ده‌ستخۆشی و هه‌ربژین له‌هاوڕێیانی کاکه‌دیاری واته ‌ئه‌وانه‌ی  که‌له‌باری هونه‌ریی و ئه‌ده‌بییه‌وه‌ هاوکاری ده‌که‌ن جگه ‌له‌م پارچه‌هه‌سته‌ی خۆم شتێکی دیکه‌م نییه‌پێشکه‌شی کاک دیاری به‌ڕیزی بکه‌م .

…ده‌نگت هێزم ده‌داتێ هه‌مووکاتێک و ساتێ

…من و تۆ پاک له‌پاکین (زه‌و) ی یه‌ک ئاو و خاکین

سلێمانی و سنه‌ش بێ کوڕی یه‌ک باب و داکین

به‌هه‌ردوو به‌شبڕاوین که‌ساس و مافخوراوین

بنووسی چاره‌نووسه ‌له‌یه‌کتر دابڕاوین

ده‌بیڵێ کات له‌جێیه ‌به‌ئه‌و شیوازه‌نوێیه‌

که‌سۆزی هه‌ستی گه‌رمت په‌یامی دڵمی پێیه‌

ده‌زانم تۆش نه‌داری له‌به‌رکوردبوون هه‌ژاری

به‌لام هه‌رده‌م له‌دڵمدا دیاریی گیان دیاری

سه‌رچاوه‌… هه‌فته‌نامه‌ی ئه‌ده‌ب و هونه‌ری کوردستانی نوێ .. پێنج شه‌ممه‌ژماره‌…

( 2461) 24/5/2001  بلاوکراوه‌ته‌وه