ڕەوشـا موزیکڤانان د دەستێن بنەمالێن ئەرستۆکراتیدا ب تایبەت یێن وەڵاتی نەمسا
نووسینی: بێکەس عەبدال
چینا ئەرستۆکراتییان زێدە گرنگی ب موزیک و سەمایان دایە و د کۆشکێن وانڤە هەمی دەمان ئاهەنگ و کۆنسێڕت نمایشکرینە هەتا وی ڕاددەی کو گەلەک بنەمالان ئۆرکێسترایا تایبەتا خوە هەبوویە، بـو ڤێ مەبەستێ باشترین موزیکنڤیس لخوە کومڤەدکرن و بەپرسایەتییا دابینکرنا ئامیران و ژیارەکا خۆش ژبۆ موزیکڤانان ب ستویێ خوەڤە گرتبوو بەرامبەر ڤێ چەندێ ژی دڤیابا موزیکڤانان ب بەردەوامی کارێن نوی نڤیساندبانە و کار د فۆڕمێن موزیکێ یێن وی سەردەمیدا کربانە و لێگەڕیان لسەر دەستنڤیس و پەڕتووکێن کەڤن یێن گرێدای موزیکێ ژبو پەڕتووکخانا کۆشکێ و هەمی بەرهەمێن گرنگ و ناڤدار یێن وی سەردەمی و بەری هینگێ و هەر دیسـان دهەمی بیرەوەریەکێ دا دڤیابا بەڕنامێن تایبەت ب موزیکێ هاتبانە ئامادەکرن و دڤیابا هەمی دەمەکی ئۆرکێستڕا یا ئاماددەبا و لبن فەرمانا خودانێ کۆشکێ ب هیچ ڕەنگەکی نابیت دەربچن، چۆنکە ئەو هەمی هونەرمەندە وەک خزمەتکارێن کۆشکێ دهاتنە دیتن و موزیکڤان نەدشیان چ بەرهەمەکی بەڵاڤبکەن بێی ئاگەهداربوون و ڕەزامەندییا خودانێ کاری و موزیکنڤیسێ درۆست خودانێ بەرهەمی ژ مافێ خوە بێ بەش دبوو ئەو بەرهەمە لسەر ناڤێ خودانێ کۆشکێ پەسەند دبوون و دهاتنە بناڤکرن!
پاشی شۆڕەشا پیشەسازی وپەیدابوونا ڕێکا هێلا ئاسنی و پاپۆر و تەلەفوون ئەلکتریک و چەکێن نوی…هتد. دەرئەنجامدا چینا ناڤەند بۆرجوازی پەیدابوو و پشتی کێمبوونا دەستهەڵاتا ئەرستۆکراتییان و زێدەبوونا دەستهەڵاتا بۆرژوازی ئێدی پیچەک ڕیفورم چێدبیت و ئەڤ ڕیفورمه هونەری ژی ڤەدگریت و بارودۆخێ هونەرمەندان بەرەف باشتر دچیت و ئێدی منەت ب کۆشک و دیوانخانێن ماقویل و زەڵامێن ئاینی و کلیسەیێن دینداران نامینت و موزیکڤان دچنە باژێڕێن مەزن و گرنگ وەکو پاریس و لەندەن و ڤیەننا چۆنکە دڤان باژێڕاندا کارێ وان بساناهیتر و باشتربوو وجهێن چاپکرنێ زێدەتر گرنگیدا بەڵاڤکرنا بەرهەمێن موزیکێ.
وێنێ موزیکڤان “ٚجۆزێف هایدن” ل دەمێ پڕۆڤەکرنا چارینەیەکێ ل ڤیەننا ل موزەخانا باژێڕ.
بوون:٣١ی ئادارا ١٧٣٢ێ نەمسا
وەغەرکرن: ٣١ی گۆڵانا ١٨٠٩ێ نەمسا
موزیکڤانێ نەمساوی ئێک ژ گرنگترین کەسایەتییان بوو د پێشئێخستنا شێوازی کلاسیکا موزیکێ دا.
بەرهەمێن هایدن:
108 سەمفونی
68 کواڕتێت سترینگ
47 پیانو سوناتا
26 ئۆپێڕا و 11 ژێ بەرزەبووینە
4 ئۆراتۆریۆ
