خانمە گۆرانیبێژی ڕوسی بەڕەچەڵەک کورد زارا مەحوی یەکەم ئەلبومی گۆرانییەکانی لە ١٧ی ئایاری ٢٠٢٣ بەزمانی کوردی و بەناوی (کەینێ) بڵاو کردەوە کەناوی یەکێکە لە گۆرانییەکانی ناو ئەلبومەکەی. ھەر لە ٢٥ ی ئەم مانگەدا کلیپی گۆرانی کەینێ ی بڵاوکردەوە. ئەوەی شایەنی باسکردنە زارا بە ١٠ زمانی جیاواز گۆرانی دەڵێت لە دنیادا ھەوادارانێکی زۆری ھەیە و لەسەر گەورەتین شانۆکانی جیھان گۆرانی وتووە و شانازی بەکورد بونی خۆیەوە دەکات. ساڵی ٢٠١٦ نازناوی باڵیۆزی ئاشتی پێ بەخشراوە لەلایەن ڕێکخراوی یونسکۆوە لە پای کارە مرۆییەکانی. خەڵاتی ھونەرمەندی فەخری وڵاتی ڕوسیای پێبەخشراوە لەلایەن سەرۆکی ڕوسیا ڤلادمیر پۆتین.
