نامە گۆڕینەوەی چیخۆڤ بۆ چایکۆفسکی
زۆر بەڕێز، پیتر ئێلیچ:
ئەومانگەی دادێ ، من سەرقاڵی چاپکردنی چیرۆکە نوێیەکانمم ، ئەو چیرۆکانە وەک پایز خەمهێنن و تاقەتبەرن ، لەبابەت و ناوەڕۆکدا یەک هەوان ڕەگەزەهونەرییەکانیشیان زۆر لەگەڵ بەبەتگەلی پزیشکیدا ئاوێتەکراون.
بەلام بەوحاڵەشەوە ، غیرەتم ناوەتە بەرخۆم و لەدڵەوە داوات لێ دەکەم ڕێگەم بدەی با ئەم کتێبە پێشکەشی تۆبکەم . خەنی دەبم ئەگەر قایل بی چونکە ئەو پێشەکییە نەک هەر لە ڕادەبەر دەبێتە هۆی ڕەزامەندیم ، لەوانەیە لەو سۆنگەیەوە بتوانم ئەو هەست و کەفوکوڵە قووڵەشم دامرکێتەوە کەبەردەوام وام لێدەکات بیر لەتۆ بکەمەوە ، لەو ڕۆژەوە کەلەگەڵ تۆ و مۆدێست ئیلیچ بەرچاییمان خوارد زانیم تۆ چیرۆکەکانی من دەخوێنیتەوە ، ئەوەم بە زەیندا هات.
ئەگەر لە ئیزنی خۆت وێنەیەکی خۆشتم بۆ بنێری ئەوا هەر منەتبارت دەکەم و تا هەتا یە دڵخۆش و خەنی دەبم ، بمبوورە کە زەحمەتم وەبەرناوی لێم خۆش بە وڕێگەم بدە هەرچی خۆشی و باشەی دنیایە ، بۆتۆی بەئاوات بخوازم
سەر لە پێناوی هەمیشەییت
ئا.چیخۆڤ
کۆبەرهەمی ئانتۆن چیخۆڤ
نامەکانی چیخۆڤ ٣
بەرگی ١٠
وەرگێڕانی: ڕەسووڵ سوڵتانی
چاپکراوی دەزگای ڕۆشنبیریی جەمال عیرفان / ئێستا بەردەستە
