کۆسرۆف مالوول
دەنگێکی ڕەسەن لە قوڵایی مێژووەوە
بەکر شوانی
هونەرمەندی ناودار کۆسرۆف مالوول کە بەڕەچەڵەک سریانییە، ساڵی 1881 لە ئامەد (دیاربەکر) لە دایک بووە. ساڵی 1904 کۆچی کردووە بۆ ئەمریکا و لەوێ گیرساوەتەوە. ساڵی 1912 لەگەڵ کەمانچەژەنی بەناوبانگ نەعیم کاراکەند (1891 حەلەب – 1973 نیویۆرک) کە ئەویش سریانیی سووریا بووە، چەند گۆرانییەکی کوردی بۆ کۆمپانیای کۆلۆمبیا لە نیویۆرک تۆمار دەکەن و باوەڕ دەکرێت ئەوانە کۆنترین گۆرانیی کوردیی تۆمارکراو بن.
کاتێک دوو سریانیی مەسیحی لە نیویۆرک یەک دەگرن و گۆرانیی کوردی تۆمار دەکەن، حاڵ لە دوو ئەگەر بەدەر نییە؛
یەکەم: دەوڵەمەندی و ڕەسەنایەتیی هونەری موزیک و گۆرانیی کوردی،
دووەم: لێبووردەیی پێکهاتەکان لەو سەردەمەدا و ڕێزگرتنیان لە کولتوور و هونەری یەکدی.
ساڵانی دواتریش کاراپێتێ خاچۆ (1900-2005) و ئارام تیگران (1934-2009) کە هەردووکیان ئەرمەنی بوون، بە شوێن پێی مالوول و کاراکەند دا هەنگاویان نا و هەریەکەیان لای خۆیەوە خزمەتێکی زۆری بە هونەری کوردی کرد.
ئەم لینکی یەکێک لە گۆرانییەکانی کۆسرۆف مالوولە. دەقی گۆرانییەکە بە نووسراو لە کۆمێنت دادەنێم.
